1. 主页 > 时尚健康 >再见了,我的宠爱DINING娜

再见了,我的宠爱DINING娜

(Presented by甘味讚岐手打乌冬)

再见了,我的宠爱DINING娜

虽然周围去发掘好嘢食係好开心,但每个人心目中,都始终会有最爱嘅comfort food,即係食完即刻慰藉心灵嗰啲呀。我就锺情于讚岐手打乌冬。有时放咗工攰到成只积咁,行尸走肉咁行去食晚餐,始终都係想食乌冬。呷啖汤底,食啖乌冬,灵魂归位,发现自己仲生存紧。

再见了,我的宠爱DINING娜

新都会甘味就係令我爱上呢个comfort food嘅地方,而作为一个忠实嘅食客,喺呢个老地方最后一日营业嘅时候,当然要返去捧下场。照旧一坐低就order一碗牛柳番茄汤乌冬,仲同老细有哥倾咗几句。

再见了,我的宠爱DINING娜

有哥话其实呢间甘味陪住佢一齐成长,由一开始「甘味茶屋」做到「甘味讚岐手打乌冬」,都係由佢同埋班伙计一手一脚凑大;边学边做汲取嘅经验,成就之后更进步嘅甘味。

再见了,我的宠爱DINING娜
有哥:由第1间分店做到有第2、3、4间……依家总共有13间分店,最有感情嘅始终係葵芳。

等紧嘢食嘅时候,遇到个旧街坊,selfie完寒暄两句,佢问我有冇留comments落个wall到,仲以为佢讲facebook个wall,原来係甘味个wall,见到好多熟客都留言,话好唔捨得甘味,伴佢成长,係老土但係warm嘅。

再见了,我的宠爱DINING娜

终于都有嘢食,my favorite牛柳粒番茄汤乌冬。甘味啲乌冬係当年有哥特登由日本四国香川县直接引入,全部都係用小麦粉手打製成,配合perfect嘅烹调时间,入口弹牙烟韧,同即食乌冬根本冇得比。

再见了,我的宠爱DINING娜
汤底散发浓郁番茄味,配埋弹牙乌冬、牛柳粒同画龙点睛嘅蒜蓉,实在係冇得输。

旧街坊就食烧牛肉二十穀米釜饭,呢个先係佢嘅comfort food,点都要返嚟支持下。入面有红米、糙米、苋菜米等20种唔同嘅穀米,补充食物纤维之余,亦改善消化同排泄系统,健康到不得了。

再见了,我的宠爱DINING娜
加咗珍珠米嘅二十穀米釜饭索晒啲牛肉汁,又香又有咬口,配埋杯红豆冰,其实呀街坊都几识食。

见有friend陪我就追加多两个小食一齐开心share,嗌咗八爪鱼饼沙律配泡菜千岛汁,锺意呢款酱汁够特别,加埋八爪鱼饼啖啖肉,开胃得嚟唔算好辣。而梅子烧原条鱿鱼,酸酸地仲好大条,我敢担保普通两个人食,一定食唔哂,但dining娜我有3个胃就另计。

再见了,我的宠爱DINING娜

 

其实大热天时喺户外位食碗热辣辣嘅乌冬都几係嘢,一到lunch时间多人到焗住要坐外面都爆晒场,好唔好食?受唔受欢迎?唔洗我多讲啦。所以啲人话,回忆永远係最好嘅调味料。

再见了,我的宠爱DINING娜

后记:如果问我最唔捨得係咩,我谂除咗嘢食就係啲员工,次次嚟都係佢哋帮我落单,一坐低就知我食咩,同我倾下偈又讲下笑,咁又一餐饭。所以就算葵芳甘味已经结业,我都一定会去其他分店继续支持我嘅comfort food㗎。

甘味讚岐手打乌冬专门店

电话:2377 2733

Facebook:yummyudon